Gyda golygfeydd godidog o Fannau Brycheiniog, mae Parc Cyfarthfa’n darparu diwrnod allan gwych i’r teulu cyfan, boed law neu hindda!
Mae’r parc wedi’i leoli mewn 160 erw o barcdir ac mae ganddo rywbeth at ddant pawb, o erddi synhwyraidd ymlacio a llwybrau trwy’r coetir, i Barc Sblash a Maes Chwarae cyffrous o’r radd flaenaf.
Mae’r llwybrau trwy’r coed a’r teithiau natur yn hygyrch a byddant yn eich cyflwyno i’r amrywiaeth o rywogaethau o anifeiliaid, adar a phlanhigion sy’n gwneud Parc Cyfarthfa mor arbennig.
Mae’r parc hefyd yn gyrchfan digwyddiadau gwych ac yn aml mae’n cynnal digwyddiadau fel sioeau ceffylau, arddangosiadau crefft, cyngherddau, digwyddiadau elusennol a ras hwyl.
